तपाईंलाई यो पनि मन पर्न सक्छ
हिजो
सत्यकै हितमा बोल्दा
मेरा ओठ सिलाइएका थिए
त्यसपछि बोल्न नसक्ने भएको हुँ
आफ्नै आँखाले देखेपछि हत्या,
आँखा फुटाइदिए अधर्मीहरूले
त्यसपछि देख्न नसक्ने भएको हुँ ।
तिमीले असत्यकै जित होस् भनेर
आज फेरि मेरा खुट्टा छिनायौ
र सोच्यौ अब सबै आँट सकियो,
बल सकियो
तिमीलाई थाहा भएन ?
मेरो सबैभन्दा ठुलो तागत, कलम हो ।
लेखक परिचय
पोखरा विश्वविद्यालयमा सिभिल इन्जिनियरिङ दोस्रो वर्षमा अध्ययनरत तिमल्सिना छोटा तर चोटिला कविता लेख्ने नवोदित प्रतिभा हुन्।
