साहित्यकार हाङओजा थेगीम मूलतः कवि हुन् । चालीसको दशकको पूर्वार्धदेखि नै निरन्तर साहित्य साधना गरिरहेका छन् । उनले पचासको दशकमा राष्ट्र तथा अन्तराष्ट्रिय स्तरका पत्रपत्रीकाहरूमा आफ्ना बग्रेल्ती रचनाहरू प्रकाशित गरेका छन् । तर पुस्तककार कृतिको रूपमा भने प्रकाशन भएको छैन । ठूला-ठूला नामी प्रकाशन गृहहरूले छापिदिने आग्रह गर्दा पनि उनले स्वीकार गरेनन् । यस बारेमा उनको बेग्लै विचार र धारणा छ ।