विगत दुई दशकदेखि कविता र अखबारी लेखनमा सक्रिय हेमन यात्री मोरङमा जन्मिएका हुन् । हाल ईटहरीमा बसोबास गर्दै उनी साहित्य र अखबारी लेखनमा निरन्तर लागिरहेका छन् । गीत/गजल सङ्ग्रह "आँसुको मूल्य", २०६० र रत्न पुस्तक भण्डार काठमाडौँबाट प्रकाशित कविता कृति "पहाड मसितै यात्रा गर्छ", २०६९ उनका प्रकाशित कृति हुन् । फिनिक्स बुक्स काठमाडौँबाट उक्त कृतिको चौँथो संस्करण समेत प्रकाशित भइसकेको छ । कवि यात्री देशविदेशबाट करिब डेढ दर्जन सम्मान र पुरस्कारबाट विभूषित भइसकेका छन् ।