आयामेली आन्दोलनका त्रिमूर्तिमध्ये एक प्रवर्तक ईश्वरवल्लभ (वि.सं. १९९४- २०६४) नेपाली साहित्यका मुर्धन्य व्यक्तित्व हुन् । कथा र कविता विधामा कलम चलाएका ईश्वरवल्लभ आगोका फूलहरू हुन् आगोका फूलहरू होइनन् कविता संग्रहका लागि विं.सं. २०२९ को मदन पुरस्कार विजेता हुन् । उनी साझा पुरस्कार, रत्नश्री पदक लगायतका पुरस्कार र अन्य सम्मानबाट पनि विभूषित छन् । उनले आफ्नो जीवनकालमा 'टुकी', 'प्रज्ञा', फूल,पात,पत्कर' र 'तेस्रो आयाम' आदि साहित्यिक पत्रिकाहरूको सम्पादक समेत रहेका थिए । 'मेरी आमाले आत्महत्या गरेको देश' उनको प्रसिद्ध कविता हो ।