साहित्यकार जगदीश घिमिरेको जन्म वि.सं. २००२, चैत्र १८ गते रामेछापको मन्थलीमा भएको थियो । मूलत: उपन्यास र कथा विधामा कलम चलाएका घिमिरे लिलिम उपन्यासबाट नेपाली साहित्य जगत्‌मा प्रवेश गरेका थिए । लीलाम (उपन्यास, वि.सं. २०२७), जगदीशका कथाहरू (कथासङ्ग्रह, वि.सं. २०२७), साबिती (उपन्यास, वि.सं. २०३२), केही कथा कविता र संस्मरण (विविध, वि.सं. २०३४), सन्तान (नाटक, वि.सं. २०३५), अन्तर्मनको यात्रा (आत्मकथा, वि.सं. २०६४) अग्निसूत्र (कविता, वि.सं. २०६५), स्थान काल पात्र (विविध/गद्य, वि.सं. २०६६) र सकस (महाख्यान, वि.सं. २०६९) । साहित्यकार घिमिरेले अन्तर्मनको यात्रा (आतमकथा)को लागि २०६४को मदन पुरस्कार पाएको थिए । घिमिरेको ६८ वर्षको उमेरमा २०७० कार्तिक १४ गते काठमाडौँको ओम अस्पतालमा निधन भएको थियो।