नेपाली मूलको भारतीय कवि, आख्यानकार, समालोचक तथा अनुवादक, मनप्रसाद सुब्बा(ज. १९५२, सेप्टेम्बर) नेपाली साहित्य जगत्‌मा स्थापित नाम हो । सुब्बा, दियालो पुरस्कार (नेपाली साहित्य सम्मेलन, दार्जीलिङ), रत्नश्री स्वर्णपदक(काठमाडौँ) र साहित्य अकादमी पुरस्कार, (नयाँदिल्ली)जस्ता पुरस्कारबाट सम्मानित भइसकेका छन् । बिब्ल्याँटो युगभित्र कार्टुन मान्छेहरू, उष्मा, आदिम बस्ती, ऋतु क्यानभासका रेखाहरू (कवितासङ्ग्रह), बुख्याँचाहरूको देश, अक्षर अर्केष्ट्रा (कविता सँगालो), त्यो मोडसम्म पुगेको मान्छे(उपन्यास) आदि प्रकाशित कृतिहरू हुन् ।