बाग्लुङको गल्कोट नगरपालिकामा जन्मिएकी कवि राधिका गौतम पौडेल (साहित्यिक उपनाम: राधिका कल्पित) समकालीन साहित्यमा अलग पहिचान बनाउन सफल कवि हुन् । अङ्ग्रेजी साहित्यमा स्नातक र समाजशास्त्रमा स्नातकोत्तर गरिसकेकी उनी अङ्ग्रेजी फिक्सन र दर्शन पढ्न रुचाउँछिन् । उनी, धवलागिरी साहित्य पुरस्कार प्रतिस्ठान, बाग्लुङ सदस्य, पूर्व कार्यबाहक सचिव, गल्कोट साहित्य कुञ्ज बाग्लुङ: सचिव, सगरमाथा साहित्य प्रतिष्ठान:बाग्मती प्रदेश संयोजक, भुपी शेरचन पुरस्कार, बाग्लुङ :संस्थापक सदस्य, पर्बत साहित्य संगम, पर्बत: आजिवन सदस्य, पल्लव साहित्यिक प्रतिस्ठान, नारायणगढ, चितवन: आजिवन सदस्य र साहित्य सङ्गम नुवाकोट :आजिवन सदस्य जस्ता साहित्य सङ्घ -संस्थाहरूसँग आवद्ध छिन् । बरफका कोइलाहरू (कविता सङ्ग्रह, २०७७) उनको प्रकाशित कृति हो । कल्पित हाल काठमाडौँमा अध्यापन् गर्छिन् ।