साहित्यिक आन्दोलन सामान्य बहुरंगवादका प्रवर्तक स्वप्निल स्मृति प्रसिद्ध समकालीन कवि हुन् । बहुरंगवादको सैद्वान्तिक धरातलमा टेकेर लिखिएको उनको पहिलो कविता सङ्ग्रह 'रङ्गैरङ्गको भीर'ले नेपाली साहित्यमा उत्तरआधुनिकताको लहर ल्यायो । सीमान्तकृत, आदिवासी, अल्पसंख्यक आदिको सांस्कृतिक-सामाजिक पहिचानका मुद्दालाई प्रमुख विषयका रूपमा उनका कवितामा पाउन सकिन्छ । लिम्बू जातिको सभ्यता, ईतिहास र मिथकको प्रभाव पनि उनका रचनाहरूमा पाइन्छन् । 'रङ्गैरङ्गको भीर' र 'बाडुली र सुदुर सम्झना' उनका प्रकाशित कविता सङ्ग्रह हुन् ।