रारा साहित्य प्रतिष्ठानले आफ्नो नवौंं श्रृङखलामा संयुक्त रचना वाचन तथा श्रष्टा सम्मान कार्यक्रम- २०७७ गर्ने भएको छ ।
‘कला, संस्कृति र साहित्यको उत्थान, रारा साहित्य प्रतिष्ठानको मुल अभियान’ भन्ने नाराका साथ कला र साहित्यका विभिन्न विधाहरू समेट्ने र श्रष्टाहरूलाई सम्मान गर्ने कार्यक्रम रहेको छ । २०७७ फागुन २९ गते शनिबार राष्ट्रिय नाचघर (मिनीहल), जमलमा दिउँसो ११:३० बजे सुरु हुने सो कार्यक्रममा प्रयत्न वाइबा, उमेश अवस्थी ‘आदर्श’, सजना वाइबा ‘शन्ध्या’, निर्दोष क्षेत्री अतीत, दिनेश पुन, डिल्ली प्रसाद छत्कुली ‘भावुक’, नवराज बिस्ट सफल, सपना घिमिरे लगायतका साहित्यकारहरूले रचना वाचन गर्नेछन् । साथै लोकप्रिय गायक सुरेश शाही र गायिका प्रतिभा रावलको सांगीतिक प्रस्तुति पनि रहनेछ । एउटै मञ्चमा कविता, संगीत, गजल, र मुक्तकको आनन्द उठाउन सम्पुर्ण साहित्यानुरागी महानुभावहरू उपस्थित हुन सक्नुहुनेछ । प्रवेश नि:शुल्क रहेको सो कार्यक्रमको मिडिया पार्टनरका रूपमा सहयात्रा टिभी रहेको छ ।
