नेत्र एटम
लामो समयदेखि नेपाली साहित्य र समालोचना क्षेत्रमा कलम चलाउदै आएका कवि तथा समालोचक नेत्र एटमको कविता संग्रह प्रिय मौनता आज नेपाल प्रज्ञा प्रतिष्ठानमा सार्वजनिक भएको छ । प्रेमलाई केन्द्रमा राखेर लेखिएको यस कविता संग्रहमा प्रणयको प्यास, प्रमुदित प्रकृति पढ्न सकिनेछ । यस कृतिमा ६० वटा कविता संग्रहित छन् । यसअघि उनको शब्दहरूको नेपथ्य संयुक्त कविता संग्रह प्रकाशित छ । आज नेपाल प्रज्ञा प्रतिष्ठानमा सार्वजनिक गरिएको यस कृतिमाथि प्रा.डा. कृष्णहरि बराल, सन्चारकर्मी दीपक सापकोटा र अमृता शर्माले समिक्षात्मक टिप्पणी गरेका थिए भने कार्यक्रम कवि नवीन प्यासीले सञ्चालन गरेका थिए ।
शिखा बुक्सले बजारमा ल्याएको यस संग्रहको मूल्य रू.३५० रुपैयाँ छ । नेत्र एटम
