सन्देश सुब्बा सम्झनाको आँधी पत्रकार, सामाजिक अभियन्ता तथा गजलकारको रुपमा परिचित सन्देश सुब्बाको दोश्रो कृति सम्झनाको आँधी गजल संग्रहको आज बिमोचन भएको छ । राजधानीस्थित चुम्लुङहिम भवन ललितपुरमा आयोजित सो कार्यक्रममा प्रमुख अतिथि वरिष्ठ गजलकार ललीजन रावल लगायतले कृतिको बिमोचन गरेका हुन् ।
कृतिको बिमोचन कार्यक्रममा बोल्दै वरिष्ठ गजलकार रावलले सम्झनाको आँधीभित्र समावेश गरिएका गजलहरू संरचनात्मक, भाव सम्प्रेषण र बैचारिक दृष्टिकोणले सशक्त रहेको बताए । अतिथिहरू बीर नेम्बाङ, श्रीप्रसाद जवेगु, बिमला तुम्खेवा, शकुन्तला जोशी आदिले संयुक्त रूपमा विमोचन गरेका थिए । कृतिमाथि साहित्यकारहरू शकुन्तला जोशी, प्रकाश आङ्देम्बे, बिमला तुम्खेवा लगायतका साहित्यकारहरूले टिप्पणी गरेका थिए । निम्बल पब्लिकेशनले बजारमा ल्याएको कृतिभित्र ६१ गजल समावेश छन् । कृतिको मूल्य रू.१९९ राखिएको छ ।
कार्यक्रम निम्बल पब्लिकेशनका अध्यक्ष टंक सेलिङको अध्यक्षतामा सम्पन्न भएको थियो ।
