रुडयार्ड किप्लिङ रुडयार्ड किप्लिङ रुडयार्ड किप्लिङ रुडयार्ड किप्लिङ रुडयार्ड किप्लिङ
यदि तिमी त्यसबेला पनि आफ्नो शीर ठाडो राख्न सक्छौ जतिबेला
तिम्रा वरिपरिकाहरुले तिमीलाई दोषी देखीरहेका हुन्छन्
यदि तिमी आफूलाई विश्वास गर्न सक्छौ जतिबेला सबै तिमीलाई शङ्का गरिरहेका हुनेछन्
र उनीहरूको शङ्काको आधारलाई ‘ठीकै छ हौ’ भन्छौ भने
जब तिमी पर्खिन सक्छौ र प्रतीक्षामा थाक्दैनौ पनि
अथवा ढाँटिन्छौ तिमी तैपनि आफू भने झुटको खेती गर्दैनौँ भने
अथवा घृणीत भएर पनि घृणा गर्दैनौँ भने
न आफैलाई धेरै श्रृङ्गार्छै न हाँक्छौ ठूला ठूला आदर्शका गफ
यदि तिमी सपना देखेर पनि सपनालाई तिम्रो मालिक बनाउँदैनौ
यदि तिमी सोच्छौ र त्यो सोचलाई आफ्नो लक्ष्य मान्दैनौ भने
यदि तिमी हार र जीतसँग भेट
र यी दुईटै बाह्य घात गर्नेलाई समान व्यवहार गर्न सक्छौ भने
तिमीले बोलेको सत्यलाई धुर्तहरूले बङ्गाएर मूर्खहरूलाई झुक्याएका छन्
या त तिमीले आजीवन परिश्रम गरेर अर्जेको उपलब्धि भत्किएको हेर्नसक्छौ भने
र फेरि पनि निहुरिएर खिया परेको टुटेफुटेको औजारहरूले फेरि उपलब्धि उभ्याउनतिर लाग्छौ भने
यदि तिमी आफूले अर्जेको सबै उपलब्धिहरूलाई एक थुप्रो लगाउन सक्छौ र
एकै चीत-पटमा बाजी हान्ने जोखिम मोल्न सक्छौ भने
र सबथोक हारेर पनि पुनः शुरूबाटै थाल्नसक्छौ भने
र आफ्नो सर्वस्व क्षतिबारे एकै शब्द पनि बोल्दैनौ भने
अरू सबै गइसकेर पनि आफ्नो भागमा परेको काम गर्न
यदि तिमी आफ्नो मन,स्नायु र शक्तिलाई तयार पार्नसक्छौ भने
र तिमी पुरै थकित भएर पनि काममा जोतिरहन सक्छौ भने
अनि यस्तै प्रकारले अनवरत रहनसक्छौ, जतिबेला तिमीसँग केही हुँदैन
त्यो इच्छाशक्ति जसले भन्छ ‘छोड्दै नछोड्’
यदि तिमी भीडसँग बहस गर्नसक्छौ र जोगाइराख्न सक्छौ आफ्नो सद्गुण
अथवा राजासँग उठबस गरेर पनि हराउँदैनौ आफ्नो साधारण स्पर्श
यदि शत्रु अनि मित्र दुवैले तिमीलाई आघात पुर्याउँन सक्दैनन् भने
यदि सबै मानीसलाई प्रेम गर्न सक्छौ तर कसैलाई विशिष्ट मान्दैनौ भने
यदि निर्दयी समयको एक मिनटमा
दौडिन सक्छौ मूल्यवान साट्ठी सेकेन्डको लामो दूरी भने
यो संसार तिम्रै हो…र यो जगत्मा भएको सबथोक
र त्यो भन्दा धेरै त
तिमी एउटा मान्छे बन्ने छौ
मेरो छोरा !
(अंग्रेजी कवि रुडयार्ड किप्लिङद्वारा रचित कविता ‘If’को भावानुवाद)
तपाईंलाई यो पनि मन पर्न सक्छ
लेखक परिचय
अप्पर सियारी गान्तोक पूर्व सिक्किमका प्रवीण खालिङ कविता, निबन्ध र कथा लेख्छन् अन्य भाषाका साहित्य अनुवाद गर्छन । उनी भारतीय नेपाली साहित्यमा अहिले चलेको समावेशी लेखनका एक अभियन्ता हुन् । उनको पहिलो मौलिक कविता सङ्ग्रह "झरी" 2014 सालमा प्रकाशित छ। समावेशी लेखनको धेयलाई आत्मसात गरेर शाश्वतको वकालत गर्दै प्रेमका कविताहरूको सङ्कलन हो झरी शिर्षकको श्रृखला कविता र अन्य प्रेमका कविताहरू। साहित्य बाहेक फोटोग्राफी, भिडियोग्राफीका सौखिन खालिङ घुमन्ते हुन्। 'एन अमाजिङ ट्राभलर' भन्न रूचाउने खालिङ पेशाले पत्रकार हुन। राजधानी गान्तोकमा बस्ने कवि खालिङले 2014 सालको बडा दिनदेखि अनौपचारिक साहित्य कार्यक्रम " चिया कविता " चलाउँदै आएका छन्।
धन्यवाद साहित्य सोपान
सुन्दर अनुवाद । सानैमा पढेको कविता यो यो। सदावाहर कविता अुनचाद गर्नय भएकोमा साधुवाद भाई प्रविणलाई